Adsense


 

--डिजिटल आणि सूक्ष्म श्रावण यंत्रांसाठी विश्वसनीय ठिकाण म्हणजे 'व्हिआर हीअरिंग'.. अधिक माहितीसाठी संपर्क :- 9657 588 677 @ www.vrhearingclinic.in


तुमचे बाळ गोल वळू शकते!

तुमचे बाळ त्याच्या भावना तुमच्यासारख्या दाखवू शकत नाही. मात्र तरीही ते रागावल्याचे, कंटाळा आल्याचे किंवा आनंदी असल्याचे दाखवू शकते. त्याला उचलून घ्यावे असे वाटत असते तेव्हा ते हात उंचावेल, तुमच्याबद्दलचे प्रेम व्यक्त करेल. तुम्ही खोलीतून बाहेर पडल्यावर ते कदाचित रडेलही.

आता ते, बरेच सशक्त झाले आहे. त्याला जमिनीवर बसवल्यास ते स्वतःहून काही काळ बसू शकते असे तुम्हाला दिसेल. त्याच्या आजूबाजूला उशा लावा व ते पडले तर पकडण्यासाठी जवळपास राहा.

ते कदाचित अचानक लोळत येऊन तुम्हाला आश्चर्यचकित करेल! ते अचानक लोळण्याची शक्यता असल्याने त्याला पलंगावर किंवा उंच पृष्ठभागावर एकटे सोडून जाऊ नका. त्याला जमिनीवर स्वच्छ कापडावर आडवे ठेवून तुम्ही त्याचे लंगोट बदलू शकता.

तुमच्या बाळाची दृष्टी अजूनही विकसित होत आहे. ते आता लहान वस्तू पाहू शकते व हलत्या वस्तुंचा मागोवा घेऊ शकते. त्याच्या आवडत्या खेळण्याचा केवळ एक कोपरा दिसेल अशाप्रकारे ते लपवून ठेवा. त्याला ते शोधायला मजा येईल!

तुमचे बाळ आता कदाचित तुमची नक्कल करु शकेल. तुमची जीभ बाहेर काढा, गाल फुगवा व ते तुमची नक्कल करते का ते पाहा. 

तुमचे बाळ आता तुमच्या इतक्याच स्पष्टपणे जग पाहू शकते. त्याची संवाद कौशल्येही झपाट्याने विकसित होत आहेत. त्याच्या आवाजांमधून त्याच्या भावना व्यक्त होतात. ते कदाचित आनंदी, उत्सुक असेल किंवा एखादी समस्या सोडवल्याबद्दल समाधानी असेल.

ते आता कदाचित बडबड करु लागेल, "बा", "मा", "गा" यासारखे उच्चार वारंवार करु लागेल. ही बोलण्याच्या दिशेने होणारी प्रगती आहे.

घन आहार द्यायला कधी सुरुवात करायची?

घन पदार्थ खाणे हे मोठे पाऊल आहे!

तुमचे बाळ घन पदार्थ खाण्यासाठी तयार आहे किंवा नाही हे तुम्ही सांगू शकता. तिचे वय ६ महिन्यांहून अधिक झाल्यानंतर. जे बाळ घन पदार्थ खाण्यासाठी तयार आहे ते सामान्यपणे पुढील गोष्टी करु शकेल: 
  • ते डोके वर उचलून धरते.
  • त्यालाआधार दिला की ते व्यवस्थित बसते. तुम्हाला कदाचित तुमच्या बाळाला आधी तुमच्या मांडीवर बसवावे लागेल.
  • ते चघळण्याची हालचाल करते. तुमच्या बाळाला अन्न तोंडात मागे नेता आले पाहिजे व गिळता आले पाहिजे.
  • तुम्ही काय खात आहात याचे त्याला कुतुहल वाटते. जेव्हा बाळे तुमच्या अन्नाकडे पाहतात व ते घेण्यासाठी हात पुढे करतात, तेव्हा ते घन पदार्थ खाण्यासाठी ती तयार असल्याची ही खूण आहे.
  • त्याचे वजन व्यवस्थित आहे. बहुतेक बाळांचे वजन त्यांच्या जन्माच्या वजनापेक्षा दुप्पट झाल्यानंतर ती मऊ घन पदार्थ खायला तयार असतात. हे सामान्यपणे ६व्या महिन्यात होते.

तुमचे बाळ कदाचित ही लक्षणे ६ महिन्यांपूर्वीही दाखवत असेल. मात्र तुम्ही त्याला कुस्करलेले पदार्थ देण्यासाठी ती ६ महिन्यांची होईपर्यंत थांबणेच सुरक्षित आहे. तोपर्यंत त्याची पचन यंत्रणा सशक्त झालेली असते. याचाच अर्थ असा होतो की त्यालाला पोटाची समस्या होण्याची किंवा अन्नाची वाईट प्रतिक्रिया होण्याची शक्यता कमी असते.

माझे बाळ कधी बसू लागेल?

तुमचे बाळ ४ ते ७ व्या महिन्यांपर्यंत बसण्याएवढे सशक्त होते.

तुम्ही त्याला मांडीवर किंवा जमीनीवर बसविल्यास, ते कदाचित तुम्ही न धरताही एक क्षणभर बसू शकेल.

तुमच्या बाळाला बसण्यास मदत करण्यासाठी, त्याचे पाय हलवा म्हणजे ते पसरतील व त्याला त्याचे वजन सांभाळतायेईल. यामुळे ते पडण्याचा धोका कमी होतो. ते एकदा या स्थितीत बसल्यानंतर, त्याच्यापुढ्यात त्याचे आवडते खेळणे ठेवा. त्याच्याभोवती उश्या किंवा कांबळे लावा, म्हणजे ते पडले तरी त्याला लागणार नाही. त्याच्यावर लक्ष ठेवण्यासाठी जवळपास राहा.

तुम्ही तुमच्या बाळाला पोटावर झोपवून खेळायला प्रोत्साहन देऊ शकता. खेळणे पाहण्यासाठी त्याने डोके व छाती उचलल्याने त्याच्या मानेचे स्नायू बळकट व्हायला मदत होईल व ते मान उचलून धरु लागेल, जे त्याने बसण्यासाठी आवश्यक आहे. तुम्ही त्याला तुमच्या मांडीवर उभे करुन व त्याला खाली वर उडवत उचलून त्याचे पाय बळकट करायला मदत करु शकता. यामुळे कदाचित ते खुदुखुदू हसेल!

आता ते ८ महिन्यांची आहे, त्याला आता कोणत्याही आधाराशिवाय बसता आले पाहिजे.

मागील महिना

पुढील महिना

टिप्पणी पोस्ट करा

Previous Post Next Post